Skessuhorn:

Tvinnbíll til Þjóðgarðsins Snæfellsjökuls

8. febrúar 2010

Fyrir skömmu festi Umhverfisstofnun kaup á nýjum bíl til notkunar í Þjóðgarðinum Snæfellsjökli. Bíllinn er af gerðinni Toyota Prius og er svokallaður tvinn-bíll.  Hann er sparneytinn og notar bæði rafmagn og bensín eftir því sem hentar hverju sinni. Bíllinn er almennt álitinn með umhverfishæfari bílum og eru kaupin hugsuð sem byrjunarskref fyrir visthæfari bílaflota stofnunarinnar.  Umhverfisstofnun keypti jafnframt Volkswagen Passat bíl fyrir starfsemina í Reykjavík en sá bíll getur gengið fyrir metani eða bensíni. Þrátt fyrir þessa bíla þarf Umhverfisstofnun að nota stóra bíla í ákveðin verk víða um land svo sem yfir sumartímann í þjóðgarðinum. 

Á meðfylgjandi mynd er Hjalti Guðmundsson sviðsstjóri náttúruauðlinda Umhverfisstofnunar að afhenda Guðbjörgu Gunnarsdóttur þjóðgarðsverði lyklana að nýja bílnum.